Татарстанда 7 яшьлек сабыйның үле гәүдәсе елга ярында табылган...

Кичә кич Алабуга районының иске Юраш авылында 7 яшьлек баланың югалуы, аның җирле елгага төшеп китүе турында хәбәр ителгән иде. Баланы эзләргә коткаручылар һәм иллеләп волонтер кушылган. Кызганыч, бүген иртән нарасыйның гәүдәсе елга ярында табылган. Бала төшеп киткән җирдән бер чакрым ераклыкта табылган ул... Гәүдәне хокук саклаучыларга тапшырганнар.