Яңа ел табынында еш күрергә мөмкин булган кызыл уылдыкка быел бәяләр артмаячак, дип вәгъдә биргән Балыкчылык берлеге рәисе Александр Панин.
Халыкның уылдык сатып алу мөмкинчелеге дә үсә дигән фикердә Панин әфәнде. 2020 елда сезон башында уылдыкның килосы 4-4,5 мең сум торган, Яңа ел алдыннан – 5,5 мең, язга – 6 мең сумга җиткән. Яңа ел тирәсендә күпләп сату нокталарында уылдык бәясе 3,5-4 мең тирәсе торачак. Ә сәүдә үзәкләре кушкан 20-30 процент бәя белән 4,2-5,6 мең сумга уылдык алырга мөмкин булачак дип саный Балыкчылык берлеге рәисе.
Иң мөһим һәм кызыклы язмаларны Татмедиа Telegram-каналында укыгыз
