Шәһри Казан

Август мәшәкатьләре: җәйнең соңгы аенда дача участогында нинди эшләр башкарырга?

«Россельхозцентр» ФДБУнең Татарстан Республикасы филиалы җитәкчесе урынбасары Любовь Занина бакчадагы иң мөһим эшләр турында сөйләде, аларны җәйнең соңгы аенда башкарырга кирәк.

Август - киләсе елга җир әзерләп кую өчен иң кулай вакыт. Моның өчен сидераль культураларны: горчица, арыш яки люцерн чәчергә кирәк. Бу вакытта  җимеш агачларын фосфор һәм калий белән тукландыру турында да уйлар чак.

Августта иртә өлгерә торган алма, груша, сырганак һәм чия сортлары өлгерә. Миләш, карлыган һәм крыжовник дә үзенең уңышын бирә. Кыяр һәм помидорларны һәр 2-3 көн саен җыегыз. Августның беренче ункөнлегендә фасоль, укроп, төсле кәбестә, брокколи, татлы борычны җыеп алалар.

Реклама

Быел тагын бер тапкыр уңыш җыеп алу өчен августта нәрсә утыртырга? Редис, яшел тәмлеткечләр, торма, шалкан, борчак, пекин кәбестәсе моның өчен иң кулай вариант. Моннан тыш, август - җир җиләге утырту өчен иң кулай ай булуын да онытырга ярамый. Аны хәзер үк утыртып, киләсе елга ук сусыл, тәмле җиләкләр белән сыйланырга була.

http://aznakaevo-rt.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: