Шәһри Казан

Кибеттәге сакчы яшүсмернең умырткасын сындырган...

Хәзерге вакытта малай хастаханәдә.

Новосибирск шәһәрендәге мәгълүм сәүдә челтәрләренең берсендә эшләче сакчы 13 яшьлек яшүсмерне умыртка баганасын сындырган. Егет кибеткә кергәч тә, озак кына кибет киштәләрен буйлап лимонад эзләгән. Сакчы исә аның артыннан ияреп йөргән. Яшүсмернең әнисе сүзләренә караганда, сакчы малае янына килгәндә, озак уйныйбызмы әле качышлы? дип сораган. Шуннан алар бәхсләшә башлаган. Малай да усал телле булып чыккан, ахрысы. Аның бер авыр сүзен күтәрә алмыйча, сакчы малайның кулларын артка боргалап, җилкәләре уртасына суккан. Баксаң, яз көнне генә малай умырткасын инде авырттырган булган. Өенә көчкә кайтып җиткәч, әнисе шунда ук кибеткә килә һәм хокук сакчыларын чакыра. Хәзерге вакытта малай хастаханәдә. Табиблар әйткәнчә, аның умырткасы сынган. Тикшерү эшләре бара.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: