2022 елда маткапитал ничә сум булыр?

Россия Дәүләт Думасы маткапитал үсешенә бәйле мөһим канун кабул иткән. Киләсе елдан башлап ул фаразланган инфляциягә бәйле индексацияләнмичә, реаль инфляциягә карап үсәргә мөмкин. Пандемия һәм, гомумән, икътисад секторында вазгыятьнең катлаулы булуын истә тотып, киләсе елда инфляция күләме фаразланганан дәрәҗәдән дә югарырак булыр дип көтелә.

Маткапитал күләме исә 1 февральдән соң каралачак. Анализ вакытында узган елгы бәяләр үсеше исәпкә алыначак. Төгәл саннар, төгәл сумма соңрак билгеле булачак.