#Кыскача яңалыклар 17 июня 2017, 11:05 Уку өчен 2 минут

50 башка исәпләнгән терлек симертү мәйданчыгы төзелә

17 июня 2017, 11:05

Уку өчен 2 минут

Татарстанның Саба районы Сатыш авылыннан крестьян-фермер хуҗалыгы башлыгы Айнур Мостафин быел илле башка исәпләнгән эре мөгезле терлек симертү мәйданчыгын төзүне планлаштыра, дип яза agro.tatarstan.ru.

Скопировать ссылку

«Эшчәнлек даирәсен киңәйтергә телим, - ди КФХ башлыгы. - Хәзер хуҗалыкта 30 ат һәм 40 баш сарык бар».

Булдыклы авыл эшкуарының үз эшләреннән башка да мәшәкатьләре җитәрлек - Айнур Мостафин 13 фермерны берләштергән «Каймак» авыл хуҗалыгы кулланучылар кооперативы рәисе. 2016 елда кооператив «Татарстанда кулланучылар кооперациясен үстерү» программасы буенча грант откан. Фермер сәйләвенчә, бу акчалар сөт җитештерү цехын төзүгә һәм тиешле җайланмалар сатып алуга тотылган. «Быел майда беренче продукцияне чыгардык.

Эремчек, кефир һәм ряженка әзерлибез, - ди Айнур Мостафин. - Сөт продуктларын Казанда чатыр мәйданчыгында сатабыз».