Актаныш районында янгында ике кеше үлгән

Актаныш райоының Яңа Кормаш авылында янгын чыккан. Кызганыч, ут чыкканын соң гына күреп алалар. Янгын сүндерүчеләр килеп җиткәндә, йорт инде тулысынча яна торган була. Күршеләр сүзләренә караганда, өй эчендә хуҗа кеше һәм аның бер күршесе булырга мөмкин икән. Алар еш кына очрашып, салып утырырга яратканнар. Чыннан да, янгыннан соң аларның мәетләре табыла. 1979 елда туган хуҗа кеше, авыру сәбәпле өйдә еш утырган, тәмәкесен дә веранда яки өй эчендә үк тарткан. Соңгы араларда аның янына 1963 елда туган күршесе еш кергән, анысы да тәмәке тарткан. Шуңа да тикшерүчеләр янгынның сүндерелмәгән тәмәкедән килеп чыккан дип фаразлый. Бу хакта kazanfirst.ru яза.