16+

«Авыл кешесенә бәхет өчен күп кирәкми»

Шәһәрләрне генә түгел, авылларны да төзекләндерергә кирәк. Сочида узган Россия инвестиция форумы кысаларындагы эшлекле иртәнге ашта Татарстан Президенты Рөстәм Миңнеханов шул фикерне җиткерде. Форумда илкүләм проектларны гамәлгә ашыруда шәһәрләр темасы турында сөйләштеләр.

Шәһәрләрне генә түгел, авылларны да төзекләндерергә кирәк. Сочида узган Россия инвестиция форумы кысаларындагы эшлекле иртәнге ашта Татарстан Президенты Рөстәм Миңнеханов шул фикерне җиткерде. Форумда илкүләм проектларны гамәлгә ашыруда шәһәрләр темасы турында сөйләштеләр.

–  Зур торак пунктларны тәртипкә китереп бетергәч, эшне алга таба дәвам итәргә кирәк. Авылда да кешеләр яши. Халык тырыш. Аларга бәхет өчен күп тә кирәкми: сырхауханә, ФАП, мәктәп, юллар булса, шул җитә, – дигән Рөстәм Миңнеханов.   

Шәһәрнең заманча мохитен тудыру турында сүз чыккач, Президент моның белән шөгыльләнгән белгечләр әзерләү темасына да кагылды. Президент әйтүенчә, эш акчада гына түгел. «Безнең барысын да сөйләүче, күрсәтүче белгечләребез юк”, – дип басым ясады ул.

Татарстан менә инде берничә ел Казанда гына түгел, теләсә кайсы муниципалитетта эшли алырлык команда әзерли. Президент фикеренчә нәтиҗәлелеккә ирешү өчен төзелеш, архитектура югары уку йортларына үзгәрешләр кертергә, чит ил белгечләрен чакыртырга  да кирәк.

Сочида Рөстәм Миңнехановка нейроинтерфейс системалары өлкәсендәге өр-яңа эшләнмәләрне дә  тәкъдим иттеләр. Президент аларның берсен сынап та карады. Ул  датчиклы шлем ярдәмендә компьютер уенында су асты көймәсе белән идарә итте.

Нейроинтерфейс системалары өлкәсендәге эшләнмәләр Татарстан Республикасы стендында урын алган иде. Биредә киләчәктә ихтыяҗ иң зур булачак һөнәрләр тәкъдим ителгән.

«Без нейрошлем ярдәмендә коры электродларда Татарстан Президентының ике халәтен яздырдык. Шуннан соң шлемны компьютер уенына тоташтырдык. Анда Президент акыл көче ярдәмендә диңгездә күпсанлы утраулар арасында йөзеп барган су асты көймәсе белән идарә итү бурычы йөкләнде. Рөстәм Миңнеханов аны уңышлы үтәп чыкты – трассаны 77 секунд эчендә узды», - дип белдергән «Нейроинтерфейслар проектлау» компетенциясендә WorldSkills чемпионатының төп халыкара эксперты Павел Отто, дип яза «Татар-информ» мәгълүмат агентлыгы.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading