Азинода сыерлар да йөри
«Шәһри Казан» газетасында башкалабыз урамында дөя йөрүе турында язылып чыккан иде. Дөя генәме соң, безнең Азино микрорайонының Чишмәле тукталышында бер көтү сыер, бозаулар да йөрде әле.
«Шәһри Казан» газетасында башкалабыз урамында дөя йөрүе турында язылып чыккан иде. Дөя генәме соң, безнең Азино микрорайонының Чишмәле тукталышында бер көтү сыер, бозаулар да йөрде әле.
Шәһәр уртасындагы шәхси йортыбызны, бакчабызны калдырып, Фучик урамындагы тугыз катлы йортка күчкән чак иде. Шуңа да авыл тормышын яхшы беләбез. Мал-туар югалса, хуҗасына ничек авыр икәнен дә күз алдына китерәм. Иртән балаларны бакчага илткәндә, ашыксак та, «сыер югалтучы булса, Азинода йөриләр», -дип, берничә урынга мәгълүмат тапшырырга өлгердек.
Ә сыерларның шәһәр урамында йөрүләре сәер тоелса да, икенче яктан, рәхәт булып китте. Авылга кайтып килгәндәй булган идем.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар