#Кыскача яңалыклар 16 апреля 2022, 11:57

Балалы гаиләләргә 163 млрд сум акча бирәчәкләр

16 апреля 2022, 11:57

Министрлар Кабинеты резерв фондыннан 8 дән 17 яшькә кадәрге балаларга айлык түләүләргә 163 млрд сумга якын акча бүлеп биргән.

Скопировать ссылку

Бу карар хокукый мәгълүматның рәсми порталында чыкты.

«Россия территориясендә даими яшәүче социаль ярдәмгә мохтаҗ РФ гражданнарына, 8 яшьтән 17 яшькә кадәрге балаларга 2022 елда айлык түләү өчен РФ Хөкүмәтенең резерв фондыннан 162 996 600 мең сум күләмендә бюджет ассигнованиеләрен бүлеп бирергә», диелгән документта.

Ярдәм 4,4 млн балага исәпләнгән.

Элегрәк Россия Президенты Владимир Путин 8 яшьтән 17 яшькә кадәрге бала тәрбияләүче гаиләләргә айлык түләүне гамәлгә кую турындагы боерыкка имза куйды. Бу ярдәмне сорап җан башына уртача керем күләме төбәк буенча яшәү минимумы күләменнән артмаган гаиләләр мөрәҗәгать итә ала.

Чыганак

Кызыклы яңалыкларны күзәтеп бару өчен Телеграм-каналга кушылыгыз.