Электр самокатлары һәм гироскутерлары белән бәйле Юл хәрәкәте кагыйдәләре расланды

Россия Хөкүмәте Юл хәрәкәте кагыйдәләренә үзгәрешләр кертте, дип хәбәр итә «РИА Новости». Хәзер электр скутеры, электрскейтборды, гироскутер, сегвей, монотәгәрмәчләрдә йөрү сәгатенә 25 чакрымнан артык булмаган тизлектә рөхсәт ителә. Шул ук вакытта җәяүлеләр өчен өстенлек кала.

Электр скутерлары өчен махсус юл билгеләре куячаклар – алар кайбер зоналарда электр транспортында хәрәкәт итүне рөхсәт итәчәкләр, чикләячәкләр яки тыячаклар. Электр скутерларында юлның уң ягында йөрергә рөхсәт ителә, әгәр әлеге юлда максималь рөхсәт ителгән тизлек сәгатенә 60 чакрымнан да югары булмаса, шулай ук велосипедчылар хәрәкәте рөхсәт ителә.

Машина юлы буенча электр скутерында 14 яшьтән өлкәнрәкләргә генә йөрергә ярый, әлеге җайланмада ак һәм кызыл төстәге тормоз системасы һәм аның фаралары булырга тиеш.
Яңа кагыйдәләр гадәти скутерларга һәм ролик тимераякларга кагылмый-алардан кулланучылар элеккечә җәяүлеләр белән тиңләшә.