Эшләүче пенсионерларның пенсия индексациясен 2020 елга түләргә мөмкиннәр

Бу хакта Россия финанслар министры Антон Силуанов Дәүләт Думасындагы чыгышында белдерде, дип хәбәр итә «Татар-информ». Силуанов сүзләренчә, дәүләт, беренче чиратта, эшләми торган пенсионерларга ярдәм итәргә тырыша, чөнки аларның өстәмә керемнәре юк. «Бу мәсьәлә буенча өстәмә фикер алышу зарур. 2020 елга бюджет әзерләгәндә, моңа кире кайтырга һәм мөмкинлекләрне карарга кирәк», - дип белдерде министр.