#Кыскача яңалыклар 06 мая 2022, 11:58 Уку өчен 2 минут

Габдрахманов: Исерек йөртүчеләр аркасында чыккан юл-транспорт һәлакәтләрен хәл итү өчен комплекслы эш итү кирәк

06 мая 2022, 11:58

Уку өчен 2 минут

Аек булмаган йөртүчеләр гаебе белән килеп чыккан юл һәлакәтләрен контрольдә тоту өчен комплекслы эш алып бару таләп ителә. Бу хакта юл хәрәкәте куркынычсызлыгын тәэмин итү буенча комиссия утырышында Россия ЮХИДИ башлыгы урынбасары Ленар Габдрахманов сөйләде.

Скопировать ссылку

"Проблема бар. Әйтик, Буа һәм Түбән Кама районнарында юл һәлакәтләре үсеше күзәтелсә дә, бу мәсьәлә муниципаль комиссияләрдә каралмаган, бернинди чаралар да кабул ителмәгән, - дип билгеләп үтте Ленар Габдрахманов.

Габдрахманов билгеләп үткәнчә, хәзер аек булмаган машина йөртүчеләр турындагы мәгълүматны республиканың һәр районында эшләүче Дәүләт автоинспекциясенең телеграм-каналларына җибәрергә мөмкин. Шулай ук исерек шофер турында ашыгыч хезмәтләрне чакыруның бердәм номеры буенча 112 хәбәр итәргә була.

Кызыклы яңалыкларны күзәтеп бару өчен Вконтактега кушылыгыз.