#Кыскача яңалыклар 03 сентября 2016, 08:33

Хәзерге чор – прививка ясатыр өчен иң яхшы вакыт, ди белгечләр

03 сентября 2016, 08:33

Тиздән балалар бакчаларына йөрүче балаларга һәм мәктәп укучыларына дуңгыз гриппына каршы прививка ясый башлаячаклар

Скопировать ссылку

Узган ел белән чагыштырганда, быел Татарстанга күп партия вакцина кайтарылган - 600 мең доза. Тиздән балалар бакчаларына йөрүче балаларга һәм мәктәп укучыларына прививка ясый башлаячаклар. Ә өлкәннәр инде бүгеннән үк яшәү урыннарындагы дәваханәләрдә бушлай прививка ясата ала.

Табиблар сүзләренә караганда, җәй ахыры - прививка ясатыр өчен иң кулай вакыт. Гриппка каршы иммунитет ике-өч атна эчендә формалаша, моның өчен күп дигәндә бер ай вакыт кирәк.

- Әлегә салкын тигереп авыручылар саны бик аз. Кайвакыт кешеләр прививка ясатканның өченче көнендә үк инфекция эләктерергә мөмкин. Аннан соң ясаткан прививкаларының файдасы булмады, ди. Шуңа күрә хәзерге вакыт - вакцинация өчен иң яхшы вакыт, - ди белгечләр.

Кызыклы яңалыкларны күзәтеп бару өчен Телеграм-каналга кушылыгыз.