"Җиңү диктанты"ның төп мәйданчыгы кайда булачак?

“Җиңү диктанты” Бөек Ватан сугышы тарихын өйрәнүгә җәлеп итү, тарих буенча белемнәрне арттыру, яшьләрдә патриотизмны тәрбияләү максатыннан үткәрелә. 

Бүгенге көндә диктант язу өчен 216 мәйданчык оештырылган. Төп мәйданчык - Татарстанның Милли китапханәсе. Әлеге акциядә катнашучылар елдан-ел арта бара. Быел уку йорты укучылары гына түгел, сәнәгать предприятиеләре, заводлар, музей һәм китапханә хезмәткәрләре дә катнаша.