9 нчы май һәм бәйрәм алдыннан шәһәрдә кайбер урамнарда хәрәкәт вакытлыча чикләнәчәк.
9 нчы майда Казанның җәмәгать транспорты көчәйтелгән режимда эшләячәк. Җиңү Көнендә һәм бәйрәм алдыннан шәһәрдә кайбер урамнарда транспорт хәрәкәте вакытлыча чикләнәчәк. Бу хакта аппарат киңәшмәсендә Казан Башкарма комитетының Мәдәният идарәсе башлыгы Азат Абзалов хәбәр итте.
Меңьеллык мәйданында, шул исәптән Профсоюз урамыннан Батурин урамына кадәрге участокта, хәрәкәт 3 нче майда 18:00 сәгатьтән 23:00 сәгатькә кадәр чикләнәчәк. Моннан тыш, 7 нче майда 16:00 сәгатьтән 22:00 сәгатькә кадәр Меңьеллык мәйданында, шул исәптән Уң як Болак һәм Сул як Болак урамнарыннан Чернышевский урамына кадәр, чикләүләр планлаштырылган. Тантаналы чаралар уздыру сәбәпле, 8 нче майның 16:00 сәгатеннән 10 нчы майның 2:00 сәгатенә кадәр Меңьеллык мәйданы транспорт хәрәкәте өчен тулысынча ябык булачак.
8 нче майның 18:00 сәгатеннән 9 нчы майның 22:00 сәгатенә кадәр Бондаренко урамы ябыла.
Салют тәмамлангач, кешеләр күп җыелса, «Казан» гаилә үзәге янындагы Сибгат Хәким урамын өлешчә ябарга мөмкиннәр, дип өстәде Азат Абзалов.
https://kzn.ru/
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар