Инвалид булып калган үзиреклеләр ике пенсия алачак

Махсус хәрби операциядә катнашкан һәм яралану аркасында инвалид булып калган үзиреклеләр ике пенсия алу мөмкинлегенә ия булачак, дип хәбәр итте премьер Михаил Мишустин армия ихтыяҗларын тәэмин итү буенча Координация советы утырышында. Бу хакта Хөкүмәт телеграм-каналында хәбәр ителә.

«Яралану, җәрәхәт алу яки авыруы аркасында инвалидлык рәсмиләштерелгән үзиреклеләр өчен хөкүмәт тарафыннан кагыйдәләр үзгәртелде. Бу аларга бер үк вакытта ике пенсия алырга мөмкинлек бирәчәк, аларның берсе-инвалидлык буенча, шулай ук Россия законнарында каралган төрле компенсацияләр», — дип төгәллек кертте премьер.

Ул шулай ук хәрби хезмәткәрләрне социаль яктан яклауны арттыру буенча башка карарлар да әзерләнүен өстәде. Мишустин хәрби операция ветераннарының тол хатыннары ай саен акчалата пособие алачак, дип искәртте. Әлеге канун проекты хөкүмәт ярдәмен алган һәм Дәүләт Думасында беренче укылышны узган инде.