Карбыз ашап үлә күрмә!

Табиблар фикеренчә, карбыз үсешен тизләтә торган нитратлар кеше организмында нитритларга әйләнә, ә алар үз чиратында онкологик авыруларга кадәр китереп чыгара ала. 
Карбыз ашап агуланучылар да арта икән хәзер. Кешенең кисәк тән температурасы күтәрелә, башы авырта, эче йомшый, күңеле болгана башлый.

Шулай ук шешенгән кешеләргә дә карбыз ашарга киңәш итмиләр. Ул организмнан су чыгуны тагын да тоткарлый. Бу исә йөрәк һәм кан тамырларына, бөерләргә авырлык китерә. 
Йөкле хатыннарга, пенсия яшендәгеләргә, ике яшькәчә балаларга карбызны август ахырында, сентябрь башында гына авыз итәргә кушалар. 

фото - pixabay.com