Казанда баланы бәрдергән автоледига карата җинаять эше кузгату мәсьәләсе хәл ителә

Казанның Идел буе районы Кол Гали урамында “Лада” белән идарә итүче хатын-кыз “зебра”да бала бәрдергән. Видеода баланың җәяүлеләр юлына чыгуы, самокатка басуы һәм юл аша чыгарга омтылуы күренә. Шул вакытта аны җиңел машина бәрдереп китә. Бала машина капотында берничә метр бара, аннары автомобиль тәгәрмәче астына эләгә.

2 яшьлек малайны хастаханәгә озатканнар. Табиблар баш мие селкенүен һәм имгәнүләр булуын теркәгән.

Хәзер машина йөртүче хатын-кызны җаваплылыкка тарту мәсьәләсе хәл ителә.

"Татар информ"