Казанда «Метроэлектротранс» ның элеккеге директоры Галявовны кулга алганнар

Шимбә көнне тикшерү Галявовны өй арестына җибәрү үтенече белән судка мөрәҗәгать иткән. Ул аеруча зур күләмдә мошенниклык турындагы эшнең фигуранты булып тора. Судта эш фабуласы ачылмый. Хәзерге вакытта сүз «Метроэлектротранс» хезмәткәрләрен яңадан укытуга сарыф ителергә тиешле 12 млн турында бара.

Суд тикшерүченең үтенечен канәгатьләндергән һәм Галявовны 15 августка кадәр өй арестына җибәргән.

«Татар-информ»га мәгълүм булганча, Әсфән Галәвов эше буенча тикшерүне Россия Тикшерү комитетының ТР буенча Тикшерү идарәсенең аеруча мөһим эшләрне тикшерү буенча икенче бүлеге алып бара.

Агентлык мәгълүматлары буенча, Галявовны җомга көнне үк тоткарлаганнар. Ял көннәрендә аның белән тикшерүчеләр эшләгән һәм ул үз гаебен таныган.