Казанлы кошларны вәхшиләрчә үтергән

"Балам белән йөрергә чыккач, каты кәгазьгә агызылган җилемгә ябышкан песнәкне күреп, өнсез калдым! Машина янына куелган бу тозакка никадәр кош эләккән! Барлык кәгазьләрне җыеп, чүп савытына ыргыттым. Моны эшләргә кемнең кулы барган? Кешеләргә аларның бер зыяны да юк бит!" - дип язган үзенең аккаунтына битараф булмаган бер хатын-кыз.

Ул исән кошларны җилемнән куптарып алмакчы булган, әмма булдыра алмаган. Тозакка эләгеп, берничә песнәк һәм чыпчык һәлак булган. Шушы-тирәдә яшәүчеләр сүзләренә караганда, бу эшне машинасын һәрвакыт чүплек янына калдыручы ир-ат эшләгән.