Корпоративтан соң югалган Артур Яхин үле килеш табылган

24 декабрь көнне Күмертауда корпоративтан соң 31 яшьлек Артур Яхин югалган булган. «Вконтакте» социаль челтәрендә «Лиза Алерт. Башкортостан» эзләү төркеме волонтёрлары кичә аның мәете табылу турында хәбәр итә. «Табылды. Үлгән», - дип язганнар алар. Үлем сәбәпләре әйтелми. Артур Яхинны, Яңа ел корпоративыннан соң югалгач, атнадан артык эзләгәннәр. Ике баласы ятим калган.