Кремль Россиядә мобилизациянең яңа дулкыны турындагы хәбәрләргә ачыклык кертте

Кремльнең рәсми вәкиле Дмитрий Песков журналистларның сорауларына җавап биреп, Россиядә мобилизациянең яңа дулкыны башлану турында бернинди мәгълүмат юк, дип белдерде.

Россиядә узган ел игълан ителгән һәм тәмамланган өлешчә мобилизация белән бәйле башка детальләр каралмый, дип яза РИА Новости. 

Исегезгә төшерәбез, Президент Владимир Путин Указы буенча Россиядә өлешчә мобилизация 21 сентябрьдән 28 октябрьгә кадәр үткәрелде, резервтагыларны һәм ирекле ярдәмчеләрне исәпкә алып, бу вакыт эчендә 318 мең кеше хәрби бурычын үтәргә китте.