Мөнир бабай бизәкле башмаклар бәйли

Мөнир бабай тумышы белән Балык Бистәсе районыннан. Язмыш аны 47 яшендә Чүти авылына китерә, монда яшәүче Рушания Гайнуллина белән кавыштыра. Бәйләү эшенә аны беренче хатыны өйрәткән икән. Ир шәлнең уртасын бәйләсә, хатыны читләрен бәйли торган булган. Ә башмаклар бәйләргә Чүтидә өйрәнгән. Мөнир бабай мәчеткә дә йөри, абзар тутырып, мал-туар асрый, дип яза җирле басма.