Пилотсыз аппаратлар һөҗүменнән соң Путин беренче тапкыр Кремльдә пәйда булды

4 майда дәүләт башлыгы Россия Икътисади үсеш министрлыгы җитәкчесе Максим Решетников белән эшлекле очрашу үткәрде. Ул Кремль резиденциясендә узды.

Кремль мәгълүматлары буенча, Путин Решетников белән ил икътисадындагы хәзерге хәлне, шул исәптән макроикътисади күрсәткечләр динамикасын тикшерде. Очрашу шулай ук эре инвестицияләрне дәртләндерү инструментларына һәм кече һәм урта бизнеска, аерым алганда, Россиянең яңа төбәкләрендә ярдәм итү системасына багышланды.

3 апрель төнендә Кремль территориясендә радиолокацион көрәш чаралары белән Украина Кораллы көчләренең ике дроны бәреп төшерелде. Соңрак Россия лидерының матбугат сәркатибе Дмитрий Песков һөҗүм вакытында Путинның Кремльдә булмавын, ул Мәскәү янындагы Ново-Огареводагы резиденциясендә эшләвен белдерә. Шулай ук вакыйганың дәүләт башлыгының эш графигына йогынты ясамавы билгеләп үтелә.

Кремльдә Украина Кораллы көчләренең дрон һөҗүмен планлаштырылган террорчылык акциясе һәм Россия Президентына һөҗүм дип атадылар.