Президент көрәш җитәкчелегенә фәрман бирде – ул үтәлергә тиеш

Озак еллар Авыл хуҗалыгы һәм азык-төлек министры вазифасын башкарган Марат Әхмәтов, Татарстан Дәүләт Советы депутаты һәм парламент рәисе урынбасары булып сайлануга карамастан республиканың көрәш федерациясен җитәкләвен дәвам итә.

– Татарстан Президенты Рөстәм Нургалиевичтан шундый тәкъдим керде – федерация җитәкчелеге вазифасын әлегә үземдә калдырырга, – диде безгә Марат Әхмәтов – Президент фәрманы ул тикшерелми, ә үтәлә генә. Эшне дәвам итәбез. Башкарма директор – Равил Хәйруллинга яңалыклар эзләргә кушылды, киңәш-тәкъдимнәр бирелде. Республика чемпионаты алдыннан җыелып фикерләшергә планлаштырып торабыз.