#Кыскача яңалыклар 27 февраля 2017, 12:25

Приз фонды 500 мең сум булган Рөстәм Миңнеханов исемендәге премия игълан ителде

27 февраля 2017, 12:25

«Россия - Ислам дөньясы» стратегия төркеме «Россия - Ислам дөньясы» дип аталган бәйге игълан итә. Эшләр рус телендә кабул ителә. Гаризаларны 2017 елның 30 апреленә кадәр тапшырырга кирәк.

Скопировать ссылку

Ислам рухы чагылдыруга, динара сабырлык, тынычлык һәм гаделлек темаларына юнәлдерелгән очерк, мәкалә, репортаж, телерадио тапшырулары, фильмнар буенча иң яхшы эшләргә премия биреләчәк. Эшләрнең кайчан басылган булуы мөһим түгел. Хезмәт белән бергә катнашучының үзе турында мәгълүматлар җибәрү кирәк.

«Россия - Ислам дөньясы» стратегия төркеме рәисе Р.Н. Миңнеханов исемендәге премия призы фонды 500 мең сум тәшкил итә.

Бәйге таләпләре белән тулысынча танышу һәм барлык сорауларга җаваплар алу өчен: podkolzina@rusisworld.com, islamspart@gmail.com электрон почта аша мөрәҗәгать итәргә мөмкин.