Рөстәм Миңнеханов эшмәкәрләргә Иске Татар бистәсендә җәяү йөрергә кушты

Биредә Казан Мэры Илсур Метшин, республиканың министрлык җитәкчеләре, Татарстанның муниципаль районнары башлыклары һәм 200гә якын эшмәкәр катнашты.

Рөстәм Миңнеханов эшмәкәрләрне кызыксындырган салым бурычларына, эшмәкәрлек өлкәсендә административ җаваплылык, республика муниципалитетларында уңайлы бизнес өчен шартлар булдыру, йорт фермалары һәм авыл җирлегендә туризмны үстерү, муниципаль җирләрдән файдалану кебек сорауларга җавап бирде.

Эшмәкәрләрне Иске Татар бистәсендә туристларны алып килгән машиналарны калдыру урыны булмау да борчыды. Алар Президенттан урамның бер өлешен машина кую өчен кулланырга сорады. Ләкин Рөстәм Миңнеханов һәм Казан Мэры Илсур Метшин әлеге урамның җәяүлеләр өчен генә каралган булуын ассызыклады.