“Рубин” кабат гол кертмәде

Бүген Казанның Үзәк стадионында “Рубин” - “Уфа” матчы тигез исәпкә төгәлләнде – 0:0.

Шулай итеп, Казан футболчылары 5 уенга сузылган җиңелүләр сериясеннән котыла алды.

Әмма Казан уенчыларының 6 матч рәттән җиңә алмавы гына борчу тудыра. Алай гына да түгел – соңгы өч уенда “Рубин” көндәшләре капкасына бер туп та кертмәде.

Бүгенге уеннан соң “Рубин”ның 11 очкосы булды. Команда әлегә 11нче урында. 6 октябрьдә Казанга иң азаккы урында бара торган “Тамбов” килә.