Тагын бер йортта газ шартлаган. Кешеләрне эзлиләр...

Газ шартлавы нәтиҗәсендә Мәскәү өлкәсенең Ногинск шәһәрендә тугыз катлы йортың өч этажы ишелгән. Бу хакта бүген иртәнге җиде тулганда билгеле булды. Йортта яшәүчеләрнең барысын да эвакуацияләгәннәр. Әлегә биш зыян күрүче кеше турында хәбәр итәләр, шул исәптән 5 һәм 11 яшьлек балалар. Дүртенче катта яшәүче балалы бер хатынны эзлиләр. Гомумән алганда, алты фатир зыян күргән. Коткаручылар җимерекләр астында эзләүләрне дәвам итә.