#Кыскача яңалыклар 20 января 2018, 08:38 Уку өчен 2 минут

Таиландта наркотик саткан Татарстан кызына үлем җәзасы яный

20 января 2018, 08:38

Уку өчен 2 минут

Таиландның Пхаган утравында, наркотиклар белән сату иткән өчен, тумышы белән Чаллыдан булган 32 яшьлек Римма Куканова тоткарланган.

Скопировать ссылку

Таиландта наркотик саткан Татарстан кызына үлем җәзасы яный

Бу хакта inkazan.ru хәбәр итә. Римма Куканова белән Америка гражданины – 44 яшьлек Энрико Санто Эбруссо күңел ачу урыннарында туристларга наркотик матдәләр саткан. Алар яшәгән фатирда барысы 145 грамм экстази, 1,58 грамм кетамин, 3,78 грамм метамфетамин, 1 грамм марихуана, үлчәү, пакетлар һәм 600 доллар җирле валюта табып алынган.

РБК хәбәр иткәнчә, Таиландта беренче категория наркотик матдәләр саклаган һәм саткан өчен алты айдан 3 елга кадәр иректән мәхрүм итү каралган. Әгәр дә сату өчен 20 граммнан да артык наркотик табылса, үлем җәзасы көтә. Кукановадан 150 граммга якын шундый наркотик тапканнар.

Римма Куканова Казанның КНИТУ-КАИ институтын тәмамлаган.

Фото: pixabay.com

Кызыклы яңалыкларны күзәтеп бару өчен Вконтактега кушылыгыз.