Таиландта өстенә мәрмәр өстәл төшкән Татарстан кызын реанимациядән гадәти палатага күчергәннәр

Таиландта өстенә мәрмәр өстәл төшкән Татарстаннан 11 айлык кыз терелүгә таба бара. Кызны реанимация бүлегеннән гадәти палатага күчергәннәр. Бу хакта социаль челтәрләрдә баланың әнисе хәбәр иткән.

Әмма, әнисе сүзләренчә, кыз мөстәкыйль рәвештә йота алмый, шуңа күрә аны ясалма ысул белән ашатачаклар. Ул билгеләп үткәнчә, Россия илчелеге кызны кайтаруны оештыру һәм моңа ярдәм итүче Россия медикларына авиабилетлар белән ярдәм итәргә вәгъдә итте.
Табиблар төгәл фаразлар бирми һәм баланы күзәтүләрен дәвам итәләр. Бала әлегә Бангкок хастаханәсендә дәваланачак.

"Һәркемгә рәхмәт белдерәбез. Без сезнең барлык теләкләрегезне укыйбыз һәм Яңа ел могҗизасына өметләнәбез ", - дип язган кызның әнисе.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Regina Nureeva (@regisha.08)