Татар эстрадасы җырчысы Дилә Нигъмәтуллина җиләк сезонын ачып җибәргән

"Быел җиләк күп, сөбханалла. Аяк басарга да урын юк, җыеп кына бетер. Ел саен һаман шул бер җиргә барабыз - Әлдермеш якларына. Ике көн рәттән шунда бардык. Чиләкнең төбе капланса, аннары тагын да тизрәк җыела. Берничә чиләк каен җиләге җыйдык, хәзер менә шуларны эшкәртәсе бар. Катырып куям да, кыш буе рәхәтләнеп ашыйбыз. Әле быел кара җиләк, кара кура җиләге дә җыярга исәп", - ди Дилә.