#Кыскача яңалыклар 13 марта 2018, 11:25 Уку өчен 1 минут

Татарстанда быел 10 мәктәп ачылачак

13 марта 2018, 11:25

Уку өчен 1 минут

Быел республикада ун яңа мәктәп ачылыр дип көтелә. Былтыр Казанда 1 сентябрьдә берьюлы ачылган ике мәктәп: 180нче һәм 181нче гимназияләр күпләр өчен көтелгән сөенеч булды.

Скопировать ссылку

Укучылар өчен ике сменада уку, яшәү урыныннан ерак мәктәпкә барып укып йөрү уңайсызлык тудыра. Яңа мәктәпләр төзелү бу проблеманы чишәргә ярдәм итә. Быел Казанда яңа белем бирү йортлары «Светлая долина», «Салават күпере», «Соловьиная роща» торак комплексларында барлыкка килер дип көтелә.

Татарстандагы мәктәпләр төзелеше өчен быел 6,05 миллиард сум акча бүлеп бирелгән, дип хәбәр итә «Татар-информ» мәгълүмат агентлыгы. Казаннан тыш яңа мәктәпләр Чаллы, Чистай, Алабуга, Түбән Кама, Әгерҗе, Лаеш районнарында да төзеләчәк. Былтыр исә республикада 42 мәктәп сафка баскан булган.