Татарстанда Дәүләт Думасына сайлау кампаниясе башланды

"Бу мизгелдән партиянең Татарстан бүлеге 2016 елның сайлау алды кампаниясенә кереште дип рәсми рәвештә әйтергә була", - дип хәбәр итте "Бердәм Россия" Бөтенроссия сәяси партиясе Татарстан төбәк бүлеге секретаре, ТР Дәүләт Советы Рәисе Фәрит Мөхәммәтшин.

Төбәктәге сайлау кампаниясе барышын билгеләргә тиешле конференциягә партиянең барлык 45 җирле бүлегеннән 300дән артык делегат җыелган. Аның эшендә Татарстан Президенты Рөстәм Миңнеханов, ТР Премьер-министры Илдар Халиков, республика Хөкүмәте әгъзалары, "Бердәм Россиянең" Яшьләр гвардиясе" һәм иҗтимагый оешмалар вәкилләре катнаша.

"Төбәк партия исемлеген Татарстан Президенты Рөстәм Миңнехановның җитәкләве - "Бердәм Россия" партиясенең XXV съездында кабул ителгән дөрес карар", - диде Фәрит Мөхәммәтшин конференция алдыннан.

"Сайлаучыларның 94 проценттан артыгы тавыш биргән бөтенхалык тарафыннан сайланган Президент, әлбәттә, үз урынында кала. Рөстәм Миңнеханов сайлау алды кампаниясе барышында биргән вәгъдәләр һәм программа үтәлергә тиеш. Әмма аның исемлектә беренче урында торуы, аның артында торган кандидатларның чынбарлык белән ни дәрәҗәдә мәгълүм булуы халыкның кабул ителгән карарларга ышанычын расларга тиеш", - дип белдерде ТР Дәүләт Советы Рәисе.

"Алда торган сайлауларга бурычыбыз - күптән түгел тәмамланган алдан тавыш бирүдәге кебек үк: аларны ачык итеп үткәрү", - дип өстәде ул.

Федераль хакимиятнең алдагы сайлауларда минималь киртәне узмаган сәяси партияләрнең кандидатларын күрсәтү өчен имза җыюны таләп итмәвен Ф.Мөхәммәтшин хуплавын белдерде. "Депут ат урыннары өчен көрәшкә, дүрт парламент партиясеннән тыш, тагын 14 партия һәм бер мандатлы кандидатлар кушылу эссе дискуссияләр, закон һәм закон проектлары турында фикер алышулар булачагын сөйли. Бу тормышка ашыру өчен иң нәтиҗәле вариантларны сайлап алырга булышачак", - дип билгеләп үтте ул.

^{tatar-inform.ru}