#Кыскача яңалыклар 15 февраля 2022, 14:19 Уку өчен 2 минут

Татарстанда грипп һәм ОРВИ аркасында ике балалар бакчасы тулысынча ябылган

15 февраля 2022, 14:19

Уку өчен 2 минут

Татарстанда грипп һәм ОРВИ аркасында ике балалар бакчасы тулысынча ябылган. ТР Мәгариф һәм фән министрлыгы матбугат хезмәте хәбәр иткәнчә, алар Минзәлә һәм Алабуга районнарында урнашкан.

Скопировать ссылку

"Авыру балалар белән элемтәдә булган тәрбияләнүчеләрне аерымлау аркасында, ике балалар бакчасы тулысынча ябылган. Республиканың барлык мәктәпләре дә элеккеге режимда эшли, аерымланган мәктәпләр юк. Элек тулысынча карантинга ябылган барлык мәктәпләрдә 9 февральдән дәресләр гадәти режимда бара", - дип белдерделәр ведомствода.

Татарстанның 26 мәктәбендә сыйныфлар аерымланган. Грипп һәм ОРВИ аркасында Чаллы, Чирмешән, Питрәч, Нурлат, Минзәлә һәм Лениногорск районнары мәктәпләрендә, Чистай районының ике мәктәбендә, Түбән Кама районының җиде мәктәбендә һәм Казанның 11 мәктәбендә сыйныфлар бүленгән.
Һәр иртәне республика мәктәпләрендә укучылар медицина фильтрын уза. Бүгенге көндә 436 укучы югары температура аркасында дәресләргә кертелмәгән.

Кызыклы яңалыкларны күзәтеп бару өчен Вконтактега кушылыгыз.