Татарстанда контрактчыларга күпме түләнә?

2023 елның 31 декабреннән соң да махсус хәрби операциядә катнашу өчен Россия Кораллы көчләре белән контракт төзегән хәрбиләргә Татарстанда берьюлы 305 мең сум түләүне дәвам итәчәкләр, дип хәбәр ителә Татарстан Республикасы Президенты Рөстәм Миңнеханов имзалаган Указ текстында.

Татарстан территориясеннән Россия Кораллы Көчләренә өлешчә мобилизация буенча хәрби хезмәткә чакырылучылар; ТРда дислокацияләнгән РФ Оборона министрлыгының хәрби частьләрендә хәрби хезмәткә чакырылучылар; Оборона министрлыгының хәрби частьләрендә яки өлешчә мобилизация кысаларында чакырылучылар, Татарстан Хәрби комиссариаты яисә контракт буенча хәрби хезмәткә сайлап алу пункты үткәргән эш нәтиҗәләре буенча контракт төзергә карар итүчеләр (1-нче разряд) әлеге түләүгә өмет итә ала.

Татарстанда 12 683 бала — махсус операциядә катнашучыларның балалары — бер тапкыр бирелә торган 20 мең сум күләмендә түләүдән файдалана ала. Сүз махсус операциядә катнашучыларның балалары турында бара.