Казанда табиб белән администратор ришвәт алуда гаепләнә.
Казанның медиина-социаль экспертиза бюросы хезмәткәрләре 2014 елның гыйнварыннан 2015 елның октябренә кадәр вакыт аралыгында инвалидлыкны билгеләү һәм озынайту өчен авырулардан акча алганнар. Ә элеге хезмәтләр бушка башкарылырга тиеш булган. Табиб белән администратор үзләренең "хезмәте" өчен 80 меңнән 180 меңгә кадәр акча түләүне таләп иткәннәр. Нәтиҗәдә 12 кеше зыян күргән. Табиб белән администраторга карата җинаять эше ачылган, тик ришвәт алучылар үз гаепләрен танырга теләмиләр икән.
Кызыклы яңалыкларны күзәтеп бару өчен Телеграм-каналга кушылыгыз.
0
Комментарийлар