#Кыскача яңалыклар 28 января 2018, 10:54 Уку өчен 2 минут

Татарстанда юлда ватылып калган автобуста 30 пассажир, шуларның сигезе бала булган

28 января 2018, 10:54

Уку өчен 2 минут

Алексеевски районында трассада Казан-Азнакай автобусы ватылып калган. Гадәттән тыш хәлләр министрлыгы хезмәткәрләре автобустагы сигез баланы коткарган.

Скопировать ссылку

Бу турыда Татарстан Гадәттән тыш хәлләр министрлыгы матбугат хезмәте хәбәр итте.

Автобуста туңучы кешеләр турында хәбәр 26 гыйнвар көнне 21.47 сәгатьтә килгән. Ярдәмгә 3 нче зона коткаручылар отряды киткән.

Казаннан Азнакайга баручы автобус трассада ватылып калган. Автобуста 30 пассажир, шуларның сигезе бала булган. Машина йөртүче запас частьлар алырга киткән һәм ике сәгатькә югалган. Кешеләр ягылмый торган салонда туңа башлаган.

Коткаручылар аларны җылыткан, кайнар чәй эчерткән. Шул вакытка башка автобус килеп җиткән, пасажирларны күчереп утыртканнар.

Кызыклы яңалыкларны күзәтеп бару өчен Вконтактега кушылыгыз.