Татарстанда юлга кинәт йөгереп чыккан җәяүле ике кешенең үлемендә сәбәпче булган (ВИДЕО)

Чистайда юлга кинәт йөгереп чыккан җәяүле аркасында ике кешенең гомере өзелгән, дип хәбәр итә Татар-информ.

Кичә 15.20 сәгатьтә Чистай шәһәренең Энгельс урамында «Лада Самара» автомобиле каршында бер ир-ат кинәт юлга йөгереп чыккан. «Лада» шоферы, җәяүлене таптатмыйм дип каршы як полосага килеп кергән һәм «КИО Соренто» белән бәрелешкән.

Нәтиҗәдә, «Лада»ның 32 яшьлек шоферы һәм 31 яшьлек пассажиры шунда ук һәлак булган. Төрле тән җәрәхәтләре алган 49 яшьлек җәяүлене Чистай Үзәк район хастаханәсенә озатканнар.

<iframe width="560" height="315" src="https://www.youtube.com/embed/sZ6NU51RoM8" frameborder="0" allow="autoplay; encrypted-media" allowfullscreen></iframe>

ЮХИДИ хезмәткәрләре әлеге юл һәлакәтенең нечкәлекләрен ачыклый.