Татарстандагы авариядә өч кеше һәлак булган. 16 яшьлек егет рульдә булган...

Татарстанның Югары Ослан районында Ключищи авылы янында авариядә өч кеше һәлак булган. Бу хакта «Татар-информ»га шаһитлар хәбәр иткән.

Якынча фаразлар буенча, машина йөртүче идарәне югалткан, шуннан соң автомобиль кюветка очып төшкән һәм түбәсенә капланган. Шаһитлар әйтүенчә, авариядә өч кеше һәлак булган - руль артында булган яшь егет һәм 19 яшьлек кызлар. Имгәнгән ике кешене якындагы хастаханәгә алып киткәннәр.