Владимир Путин белән «турыдан-туры элемтә»: күпме мөрәҗәгать кергән?

Узган елдагы кебек үк,  турыдан-туры элемтә дәүләт башлыгының матбугат конференциясе белән берләштереләчәк.  Турыдан-туры элемтә Мәскәү вакыты белән 12:00 сәгатьтә башлана.

Чараны трансляцияләү «Вконтакте» һәм «Одноклассники»дагы рәсми бергәлекләрендә узачак. Еллык вакыйганы шулай ук күп кенә федераль каналлар эфирында күрсәтәчәкләр — беренчесе, «Россия 1», «Россия 24», «Мир», НТВ һәм ОТР.

Турыдан-туры элемтә булачагы турында ноябрь уртасында Кремльнең рәсми вәкиле Дмитрий Песков хәбәр итте. Шул ук вакытта ул бу чараны зур матбугат конференциясе белән бергә алып барачагы турында сөйләде. Мондый формат 2023 елда булды. Аның өчен аерым атама сайлаганнар — «Владимир Путин белән ел нәтиҗәләре».

Узган ел Президентка Россиялеләрдән 2 млн нан артык мөрәҗәгать килгән. Ул хезмәт хаклары, пенсия үсеше турындагы сорауларга җавап бирде, шулай ук Украинада һәм Россиянең яңа төбәкләрендә махсус хәрби операция (СВО) белән бәйле кайбер темаларга кагылды.

Агымдагы елда, 16 декабрьгә булган мәгълүматларга караганда, 1,05 меңнән артык мөрәҗәгать теркәлгән. Иң еш очрый торган темалар арасында — торакның сыйфаты һәм һәркем файдалана алырлык булуы, медицина, пособиеләр, транспорт инфраструктурасы һәм башка мөһим мәсьәләләр.

Турыдан-туры элемтә өчен мөрәҗәгатьләр 8 декабрьдә кабул ителә башлады. Сораулар 19 декабрьгә кадәр, программа тәмамланганчы кабул ителәчәк.