#Кыскача яңалыклар 05 апреля 2021, 20:55 Уку өчен 2 минут

Яңа закон: Владимир Путин белән Дмитрий Медведев тагын ике тапкыр президент була ала

05 апреля 2021, 20:55

Уку өчен 2 минут

Россия Президенты Владимир Путин аңа дәүләт башлыгы вазифасын тагын ике срок биләргә рөхсәт итә торган закон имзалады. Документ хокукый мәгълүматның рәсми интернет-порталында чыкты.

Скопировать ссылку

Узган елда Россия Конституциясенә кабул ителгән төзәтмәләр буенча ил җитәкчесе вазифасына ике тапкырдан артык сайлануны тыю дәвам итә. Әмма Төп законга төзәтмәләр кабул ителгәнчегә кадәр дәүләт башлыгы вазифасында үткәрелгән вакыт хәзер исәпкә алынмый.

Каденцияләр санын чикләү турындагы таләпләр «Россия Федерациясе Президенты вазифасын биләгән һәм (яисә) били торган кешегә карата ул биләгән һәм (яисә) шушы вазифаны били торган сроклар санын исәпкә алмыйча, тиешле чикләүләр кертә торган Россия Федерациясе Конституциясенә төзәтмәләр үз көченә кергән вакытта кулланыла» дип аңлатыла документта.

Яңа законнан ике сәясәтче файдалана ала. Владимир Путиннан тыш, сүз элеккеге президент һәм элеккеге премьер, хәзерге вакытта Россия Куркынычсызлык советы рәисе урынбасары Дмитрий Медведев турында бара.

Чыганак: Татар-информ

Кызыклы яңалыкларны күзәтеп бару өчен Вконтактега кушылыгыз.