Яшь йолдызчыкларга паспорт бирделәр

Татарстан Республикасы Яшьләр эшләре министры Дамир Фәттәхов артистларны һәм шәһәр халкын бәйрәм белән котлады. 
- Яшьләр безнең илне мөмкинлекләр территориясе дип кабул итәргә тиеш. “Созвездие-Йолдызлык“ фестивале нәкъ шул форматка туры килә. Биредә барлык республика балалары үз сәләтен күрсәтә ала, - диде министр. 

Паспорт алучы яшьләр фестивальдә беренче генә чыгыш ясавы түгел. Питрәч районының “Гретта” халык биюе коллективында чыгыш ясаучы Дарья Чурочкина “Йолдызлык”та инде бишенче тапкыр катнаша. 
-Быел без икенче дәрәҗәдәге лауреатлар булдык, узган ел өченче идек. Мине шулай тантаналы рәвештә бүләкләүләренә бик шат мин, - ди Дарья.