#Кыскача яңалыклар 14 февраля 2025, 13:38 Уку өчен 2 минут

Яз нинди булыр? Метеорологлар фаразы

14 февраля 2025, 13:38

Уку өчен 2 минут

Яндекс Погода метеорологлары фаразынча, быелгы яз аномаль җылы булачак, өстәвенә Россиянең барлык төбәкләрендә дә диярлек, дип яза “Комсомольская правда”.

Скопировать ссылку

Россиянең Европа территориясендә, Урал, Көнбатыш һәм Көнчыгыш Себердә, шулай ук Ерак Көнчыгышка климат нормасы 1 градустан артыкка күтәреләчәк.
Марттагы аномаль җылылыкның төп үзәкләренең берсе Мәскәү һәм Мәскәү өлкәсе булачак. Яз башы башкала төбәгендә гадәттәгегә караганда 2,1 градуска җылырак булыр дип көтелә. Ә сезонны алып караганда, климат нормаларына караганда 1,7 градуска җылырак булачак.

Шулай ук җылы март Санкт-Петербург, Екатеринбург, Түбән Новгород, Воронеж, Пермь һәм Үзәк Россия төбәкләре (Тверь, Смоленск, Тула, Брянск, Орел, Курск, Липецк, Рязань һәм Белгород) яшәүчеләрен дә сөендерәчәк.

Россиянең көньягында, Идел буенда һәм Себердә исә иң җылы һавапигы апрельгә туры киләчәк. Бу Волгоградта, Ростов-на-Донуда, Новосибирск, Красноярск, Омск, Уфа, Казан, Самарада аеруча сизелерлек булачак.

Гомумән алганда, Санкт-Петербург, Волгоград, Казан, Түбән Новгород, Воронеж һәм Самарада яз климат нормасыннан 1,5-1,8 градуска җылырак булыр дип көтелә.

Җылы яз аркасында үсемлекләрдә вегетация чоры, шул исәптән чәчәк ату этабы гадәттәгедән иртәрәк башлана. Поллиноз (серкәгә аллергия реакцияләре) сезонына да алдан ук әзерләнергә кирәк, дип кисәтә метеорологлар.

Кызыклы яңалыкларны күзәтеп бару өчен Телеграм-каналга кушылыгыз.