Илфар хәзрәт Хәсәнов: Күрше хакы - Аллаһ хакы» мәкале Татарстан халыклары менталитетын чагылдыра

«Президентка, зур икътисади саннар белән бергә, Татарстанның төп казанышына - җәмгыятьтә конфессияара һәм милләтара татулыкка игътибар итүенә зур рәхмәт. "Кол Шәриф" мәчетенә чит илдән күп кенә рәсми кунаклар килә һәм Казанда мәчет белән чиркәүнең янәшә тора алуы һәркемне гаҗәпкә калдыра. Барысы да, сезнең тынычлык һәм татулыкның сере нәрсәдә, дип сорыйлар. Ә мин аларга «Күрше хакы - Аллаһ хакы» дигән борынгы татар мәкален китерәм. Бу мәкаль Татарстан халыклары менталитетын чагылдыра. Нәрсә дигән сүз ул? Күршеңнең хакы - Ходайның үз хакы ул! Һәм әгәр дә син күршеңнең хокукын кире каксаң, димәк, син Ходайның хокукларын бозасың булып чыга. 
Татарстанда, һичшиксез, бер-берсенең традицияләрен хөрмәт итәләр. Ата-бабаларыбыз безне шуңа өйрәтте һәм республикабызның зирәк җитәкчеләре шуны дәвам итә», дип белдерде Илфар хәзрәт Хәсәнов.