Казан метросында юл йөрү бәясе кыйммәтләнә

Үзгәрешләрнең кайчан үз көченә керәчәге әлегә билгеле түгел.

Татарстан Премьер-министры Алексей Песошин 17 февральдә Казан метросында йөрү бәясен арттыру турындагы карарны имзалаган. Документ нигезендә, бу инде 43 сум булачак (хәзер 42 сум акчалата һәм 38 сум банк картасы буенча). Яңа тариф, пассажир акчалата яки банк картасы белән түлиме-юкмы икәненә карамастан, барысы өчен дә билгеләнгән.

Үз чиратында, Казан метросында нәкъ менә 100 һәм аннан да күбрәк сәфәр өчен транспорт карталары белән түләгәндә сизелерлек экономияләргә мөмкин булачак. Бу очракта җир астында йөрү 33 сумга төшәчәк.