Минзәлә янындагы һәлакәттә үлгән парашютчының гаиләсе 3 млн сум түләттергән

Чаллы суды Минзәлә аэроклубында инструктор-парашютчы үлеме белән бәйле мораль зыянны компенсацияләү һәм зыянны каплау турындагы эш буенча карар чыгарган.

Исегезгә төшерәбез, 2021 елның 10 октябрендә L-410 җиңел моторлы самолеты Минзәләдәге РЭС базасы янында җиргә төшеп бәрелә. Соңгы мәгълүмат буенча, бортта 22 кеше булган, шуларның 20се - парашютчылар. Һәлакәттә 16 кеше үлгән, алар арасында инструктор-парашютчы да бар. Аның үлеменнән соң хатыны компенсация сорап судка мөрәҗәгать иткән.

Дәгъва Татарстан Республикасының Россия ДОСААФ үзәк аэроклубына (Минзәлә аэроклубы аның филиалы булып тора) белдерелгән. Әмма оешма таләпне санга сукмаган һәм самолет һәлакәтенең сәбәпләрен тикшерү тәмамланганчы эш барышын туктатып торуны сораган. Моннан тыш, Татарстан Хөкүмәте һәлак булган инструкторның гаилә әгъзаларына түләүләр башкарган инде. 

Әмма, эшне карап, суд тол хатын ягына баскан һәм әхлакый зыян өчен һәлак булган ирнең гаиләсендәге һәр әгъзасына -3 млн сум түләттерү турында карар чыгарган. Ягъни хатынына һәм ике баласына берәр миллион. Моннан тыш, туендыручысын югалту буенча зыян өчен сумма түләтелгән.
Хәер, карар әле законлы көченә кермәгән һәм дәгъва белдерелергә мөмкин.