Татарстанда Африка корпусында контракт буенча хезмәткә туплау башланды

"Бу уникаль вакыйга! Татарстан Африка корпусын, РФ Оборона министрлыгының 2023 елда төзелгән уникаль бүлекчәсен формалаштыра башлый. Сайлап алу республиканың ике шәһәрендә-Чаллыда һәм Казанда узарга мөмкин", - дигән ул.
Андрей Козлов сүзләренчә, махсус хәрби операция зонасына частьларны комплектлау белән беррәттән, Африка корпусы махсус бурычлар үти.

«Бездә катгый сайлап алу – 45 яшькә кадәр, дефицитлы белгечлекләр булганда – 55 яшькә кадәр. Шулай ук сәламәтлек буенча яраклылык категориясе һәм эссе климатка чыдамлык та булырга тиеш. Африка корпусында хезмәт итү өчен белгечлек буенча күләмле укыту уздыралар, ул өч айга кадәр дәвам итә. Шуннан соң гына кандидат чит илгә командировкага китә», - ди «Контракт буенча хәрби хезмәткә сайлап алу пункты үзәге начальнигы.

Танкист, мотоукчы, БПЛА операторы белгечлекләренә аерым игътибар бирелә. Моннан тыш, корпуска француз һәм инглиз телләреннән тәрҗемәчеләр дә кирәк. Африка корпусына кергән хәрбиләр махсус хәрби операциядә катнашучылар кебек үк 2,5 млн сумга кадәр түләүләр алачак. Айлык акчалата түләү 250 мең сумга кадәр тәшкил итәчәк. Бу сумма төбәкара, федераль һәм муниципаль түләүләрдән тора:
Татарстаннан-2,1 млн сум;
Россия Оборона министрлыгыннан-400 мең сум.
Африка корпусы хәрбиләре статус буенча махсус хәрби операция катнашучыларына тиңләштереләчәк, ә контракт бер елдан башлана. Моннан тыш, Африка корпусында хезмәт итүче хәрбиләргә махсус хәрби операция катнашучыларына кебек үк барлык ташламалар һәм түләүләр каралган.