РФ Мәгариф һәм фән министрлыгы чит илдә белем алу өчен Россия Президенты стипендиясенә ачык конкурс игълан итә. Быел мондый мөмкинлектән 40 студент һәм 60 аспирант файдалана алачак.
Россия күләмендәге ачык конкурста фән, мәдәният һәм сәнгать өлкәсендә әһәмиятле уңышларга ирешкән, үзе белем алган югары уку йортындагы укыту советының уңай бәяләмәсенә ия булган студент һәм аспирантлар катнаша ала.
Чит илдә укуның финанс ягын РФ Мәгариф һәм фән министрлыгы каплаячак. Шулай ук безнең ил министрлыгы тарафыннан бүлеп бирелә торган стипендия дә бар.
Документлар 2013 елның 30 апреленә кадәр кабул ителә. Махсус комиссия иң-иңнәрне генә сайлап алачак.
Иң мөһим һәм кызыклы язмаларны Татмедиа Telegram-каналында укыгыз
